ملتقى الطلبة المبتعثين :: مكتمل: مهم جداااااا لكل عزوبي!!! - ملتقى الطلبة المبتعثين :: مكتمل

اذهب للمحتوى

  • (4 صفحات)
  • +
  • 1
  • 2
  • 3
  • الاخير »
  • لا يمكنك بدء موضوع جديد
  • لا يمكنك الرد على هذا الموضوع

مهم جداااااا لكل عزوبي!!! تقييم الموضوع: -----

#1 غير متواجد   صدى قلم 

  • عضوفعال
  • مجموعة الاعضاء
  • مشاركات 993
  • التحق : 18-July 08
  • Gender:Female
  • بلد الدراسة:استراليا
  • المدينة:***
  • اسم الجامعة:***
  • الجنس:أنثى
  • التخصص:Quantum physics
  • المرحلة العلمية:دكتوراه

  تم الارسال 10 September 2008 - 11:03 PM

مهم جدااااااا للعزوبي ,,,,,,,

wub.gif wub.gif wub.gif


سؤال لكل عزوبي ..

متى يجي الوقت المناسب للتفكير للزواج،، واش هي الخطوات المتبعه؟؟


لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني !!!



اولاً : مرحلة ما قبل الزواج :

كيف تعرف انك استويت عزيزي الشاب وحان قطافك من بنت الحلال << الدنيا بالعكس tongue.gif


علامات الرغبة في الزواج عند الشاب :

إذا بديت تحب الاغاني وتسمعها بمخمخه وتتخيل انك تقول الكلام لوحده .
او إذا بديت تعطّر بعطور نسائيه وتقول ما فيها شيء ( العطورات ليست حكرا على احد ).
أو إذا صرت تحلم بإعلان (ليمون نعناآآع).
فاعرف انك ( قاضي ) << كيف بس الاسباب مقنعة closedeyes.gif
فتلاحق عمرك وشف لك بنت حلال ،

بشرط
توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس )
>>> قال صلى الله عليه وسلم : ( -بالمعنى- يرزق الله ثلاثه ،، ومنهم : الذي يعف نفسه )
فاعرف أن مال الزواج مخلووووف،،




ثانيا : اثناء الخطبة :

1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.

مو بس لان اهل البنت يبي يسألون أهل المسجد ويقولون تعرفون فلان ..
لذلك تصلي وتبدأ ( تطلطل ) بوجيه المصلين كأنك تدور اخوانك<<<< ما لها داعي هالحركه.

2 – لا تتفيلح وتروح تتسلف سيارة زميلك ( الفخمة ) وترزها عند باب اللي انت خاطب منهم لأن الخطيبة مصيرها تعرف ان السياره مو سيارتك
وبالتالي تطيح من عينها،، اللي بيرضون فيك يشترون الرجال،


3 - اثناء الشوفه لا تستحي ابدا وشوف البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء ..
قل لهم حديث الرسول صلى الله عليه وسلم " فلينظر اليها وتنظر اليه فأنه احرى ان يؤدم بينهما " يعني بالعربي مسنود بقوة بالشرع....
يعني خذ راحتك فلها وما جاك علي (مو مره mad.gif )



4- في الخطبة ان صار فيه مكالمات بعد ما يوافقون عليك .. فلا تصير لصقه وعلة وتنشب كل دقيقة داق على البنت .. ( وينكم فيه ) ؟ وش سويتوا اليوم ؟
ما اشتقتي لي؟ وش تسوين ؟ انت في المطبخ وإلا في المقلط ؟ << يخرب بيت السؤال ؟ icon_3.gif


5– انبته ثم انتبه انك تصير عاطفي او تروح شوربه ومن اول مكالمة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها ).
بصراحه كثير من الشباب يشوف نفسه محروم من ( كل شيء ) <<< عاطفيا و... و .
من يوم ماسمعت صوتها احبك احبك احبك .. ويمكن بعد اسبوع اكرهك __ المنطق والواقع حلوووووو >>> يعني خلك رزين


6- لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسس ، وإلا باقي الاثاث اختاره انت وإلا خلها هي اللي تختاره كله ..
لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( عصير من اللي عند الحرم ).. وممكن تبدأ الخلافات لأن الأذواق تختلف ومو عيب،،

كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف ..
يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه ( حراج ابن قاسم ) من كل بحر قطره.
فتصير مثل اللي بيتهم طين وعندهم ( روز رايز ).

7 – اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ..
مو تصير حبيّب بالخطبة وصدام بعد الملكة. ،، وقبل كذا ارجع بعقلك .. وخل نيتك صافيه يوفقك ربي،، 10_9_137.gif

8 - ان كنت واحد من اللي ابتلاهم ربي بالدخان اتركه وفكر بكره لا جاك عيال وبنيات يبون يشمون هالتتن وتدمر صدورهم .. وقبلهم مدامك تبي تتعب من ريحتك ....
وان ماش ماهناش ممكن ومحد يشوفك واستر نفسك (كل أمتي معافى إلا المجاهرون )



ثالثا : ليلة الزواج :

ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك..
خلك طبيعي ولا تكثر من شرب الشاي والقهوة ليلة العرس لأسباب صحية ، وتتورط ، لانه صعب إذا رحت جلست مع العروس على ( الكوشه ) ..
فجأه تقوم تقول بعد اذنك ابروح الحمام .( تكرمون ). صدقني راح تقول البنت إللي هذا اوله ينعاف تاليه،
بيقولون الحريم (اش جاه من الخوف من المدام ) اجل إذا راحوا الشقة بلحالهم وش بيسوي هالخواف.؟
فتصير علك في فم الرايح والجاي وملطشه للصغير والكبير. وياويلك لو صرت علك في فم الحريم بتصير سالفة الجيل اصحى ى ى ى

2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت. <<< وش دراك؟


3 - خلك ذوق واتذكر اللي جالسه جنبك يعني حركات بسيطه امسك يد البنت وحطها على ( القير حق السياره ) وحط يدك فوقها ولا تكثر لانك بتتهور
وممكن يصير لك شيء وإلا يجيك ( شد عضلي ) بعدين تصدم باشاره،،


4 - إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين )
وبعد ما تدخلون (صك ) ذيك الزغروته اللي تهز اركان البيت (اذا ودك ) .. ثبت الله اركانك هههههه




رابعا ً : سواليف ليلة العرس :

الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية ..

بمعنى تجنب الآتي :


1) انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ).

2) انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم )..
انا امي بصراحه ابيك تشيلينها فوق راسك ، انا امي بصراحه ما ابي احد يزعلها، انا امي بصراحه مالها غيري ..

مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ،
والليلة ليلة البنت ليش تحرمها من مكانتها ووجودها في حياتك،، ممكن تأجل الموضوع لليلة اخرى.
وبأسلوب راقي وحضاري وعقل متفهم بدون تجريح

3) امدح مكياج المدام ، وفستان فرحها لانها تعبت شهور حتى تظهر بهذا المظهر ..
حتى لو جاك ذاك الاحساس (والله انها بدون مكياج زينه) امدح وخلك عباراتك فيها صدق بحيث تكون ( الكذاب الصادق ) ..
فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك.




خامسا : التصرفات التي تلي الكلمات في ليلة العرس

1 - بعد ما تفسخ ثوبك وشماغك وعقالك .. تروش الله يصلحك ما تدري من كثر السلام والقلق اللي عشته في
قصر الافراح ولا تحط لك كم بخة من الكلونيا اللي عند مغسلة العشا وتقول خلاص ضبط الوضع!!
((ما أظن خامس أكشخ شباب في العالم يسوونها 36_1_12[1].gif ))

اختر اللبس المناسب لجسمك ..
مثلا شورتات رياضيه اذا كان جسمك رياضي .. أو الثوب اذا ترتاح فيه..
لا تلبس أشياء غريبه مو باقي إلا تقول ((هاااااااااااي شلة))

3 – للإحاطة .. مو تشوف لبس نص كم تقول من هالحين لبست كذا؟؟ ترى الموضة كذاااااا .
وراعي الرومنسية او المفاجات البسيطه اللي ممكن تقدمها انت او هي ليلة العرس
مثل رسالة فيها كلمتين (ماقل ودل)،، مو قصة حياتك!! أو شموع ترصها على شكل قلب أو كلمة << فكر تراها ليلة،،

بالمختصر اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث .. (هذا اللي يدوم ترا)

4 - اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ
ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( أقفاص حمام ).اركد وخلك طبيعي.

5 - في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياها ( كوفي شوب ) وانتبه تقرأ الجرايد او المجلات , وعطها وقتك كله.

6- عاد اللي يبي يسافر الله يرجعه بالسلامه


......................................

بناات ما قلت لا تقرون ؟ icon_9.gif


شباب لا أحد يفهم غلط أدري انكم كلكم ماشالله متعلمين وفاهمين وعندكم من الرومانس مايخلق قصة خيالية

لكن الواحد يومها من الربكة يقول الليلة إذا عدت بتهون،، لكن إذا عدت مثل أي ليلة راح تخسرها صدقني

وترا التعب عليك هذي الليلة بس دلعها،، وإن شا الله العمر كله بتدللك هي،،

ولا تنسووون هذا شي مهم جداً ولا حيااء في الدين

اللي ما يجي اليوم يجي بكره
وتقبلوا دعواتي وشكرراان


Quoted with my words


0

#2 غير متواجد   دلوعة روني 

  • مشرفة الملتقى الترفيهي
  • مجموعة المشرفين
  • مشاركات 6786
  • التحق : 18-September 07
  • Gender:Female
  • بلد الدراسة:السعودية
  • الجنس:أنثى
  • التخصص:English
  • المرحلة العلمية:بكالوريوس

تم الارسال 11 September 2008 - 12:13 AM

شهوده ايش دا راح تخلينا عوانس

icon_mrgreen.gif icon_mrgreen.gif




0

#3 غير متواجد   dr.adbais 

  • مشرف ملتقى طلاب الطب
  • مجموعة المشرفين
  • مشاركات 3899
  • التحق : 21-November 07
  • Gender:Male
  • بلد الدراسة:سلوفاكيا
  • المدينة:Bratislava
  • اسم الجامعة:Comenius University
  • الجنس:ذكر
  • التخصص:Medicine
  • المرحلة العلمية:بكالوريوس

تم الارسال 11 September 2008 - 01:50 AM


موضوع صريح و واقعي ,,

استمتعت جداً بقراءته ,, happy.gif

و راح أحتفظ بهالنصائح بجهازي لين مايجي وقتها ,, unsure.gif


> على فكرة ترى علامات الرغبة في الزواج > كلها تحققت عندي !!. rolleyes.gif

يعطيكِ العافيـة أختــــي // شهــــــد // ..

.. دُمتِـ كَمّا تُحبِّين ؛؛ blush.gif ..

0

#4 غير متواجد   WHISPERER 

  • عضو جديد
  • مجموعة الاعضاء
  • مشاركات 71
  • التحق : 10-September 08
  • بلد الدراسة:كندا
  • المدينة:BC
  • اسم الجامعة:BC
  • الجنس:ذكر
  • التخصص:MBA
  • المرحلة العلمية:Not Telling

تم الارسال 11 September 2008 - 05:10 AM

السلام عليكم ورحمة الله وبركاته
أختي شهد
أولاً: مرحلة ما قبل الزواج
حقيقةً لم أقرأ ما بعدها ..!
ولكن هل حقاً الأعراض تلك صحيحة؟
أيضاً الجواب على السؤال كان جداً مفيد و ملموس فشكراً لكِ
سؤالي:لنفترض أنني كنت عازم على الأمر
ولكن قد يكون الطرف الآخر لا يريد الإتيان معي هنا
ما هي الـ Tips لديكِ ؟
وشكراً جزيلاً






،
تحذير عقلي :
أسوء انواع الفراغ التي يمرّ بها الكائن البشري هو :
الفراغ الذهني ...،

،
0

#5 غير متواجد   اقتصادي 

  • عضو متميز
  • مجموعة الاعضاء
  • مشاركات 1852
  • التحق : 23-September 07
  • Gender:Male
  • بلد الدراسة:أمريكا
  • اسم الجامعة:I do not know
  • الجنس:ذكر
  • المرحلة العلمية:ماجستير

تم الارسال 11 September 2008 - 09:54 AM


biggrin.gif ohmy.gif

كل هذا

laugh.gif

شكرا

والله يوفقك

آخر مواضيعي


"قريباً موضوع جديد عن الازمة المالية العالمية وتبعاتها وتوقعات للمستقبل"
0

#6 غير متواجد   همي كبير 

  • مشرفة ادارية
  • مجموعة إدارة الملتقيـات
  • مشاركات 2642
  • التحق : 10-March 08
  • Gender:Female
  • بلد الدراسة:السعودية
  • المدينة:------
  • اسم الجامعة:-----
  • الجنس:أنثى
  • المرحلة العلمية:ماجستير

تم الارسال 11 September 2008 - 10:03 AM

ohmy.gif ohmy.gif rolleyes.gif huh.gif
h/

The Key To Realizing a Dream is to Focus Not on Success but SigNifiCaNcE

and then Even the Small Steps and Little VicToRiEs along your Path

will Take On GrEaTeR MeAniNg
-
------------------------------------------
يا هم لي رب كبير
0

#7 غير متواجد   al-sa7oot 

  • عضو مهم
  • مجموعة المبدعون
  • مشاركات 4535
  • التحق : 19-January 08
  • Gender:Male
  • بلد الدراسة:كندا
  • اسم الجامعة:Victoria
  • الجنس:ذكر
  • التخصص:Mechanical Engineering
  • المرحلة العلمية:بكالوريوس

تم الارسال 11 September 2008 - 02:04 PM

هـــوَّنـــــــــت ماني بمـــعــرس ابــــــــــــد !


غربل الله شيطانتس خيتو...والله لو نبي نفتتح القسطنطينيه ما تزّهبنا هالزهاب ...




الا على طاري العرس والمفاطيح ...




















ما تخبرون مكيـــنـــة ددسن نظيـــفـــهـ ؟



والا ســـلـــف على الاقل يعني ؟




وماني بمستعجل ... سلمـت يداك يا مـبـدع ,,,
0

#8 غير متواجد   صدى قلم 

  • عضوفعال
  • مجموعة الاعضاء
  • مشاركات 993
  • التحق : 18-July 08
  • Gender:Female
  • بلد الدراسة:استراليا
  • المدينة:***
  • اسم الجامعة:***
  • الجنس:أنثى
  • التخصص:Quantum physics
  • المرحلة العلمية:دكتوراه

تم الارسال 11 September 2008 - 02:12 PM

إقتباس(دلوعة روني @ Sep 11 2008, 12:13 AM) <{POST_SNAPBACK}>
شهوده ايش دا راح تخلينا عوانس

icon_mrgreen.gif icon_mrgreen.gif


دلوووعة ohmy.gif ترا فرررريتي دماغي

<<نتفاهم بعدين


0

#9 غير متواجد   صدى قلم 

  • عضوفعال
  • مجموعة الاعضاء
  • مشاركات 993
  • التحق : 18-July 08
  • Gender:Female
  • بلد الدراسة:استراليا
  • المدينة:***
  • اسم الجامعة:***
  • الجنس:أنثى
  • التخصص:Quantum physics
  • المرحلة العلمية:دكتوراه

تم الارسال 11 September 2008 - 02:16 PM

إقتباس(dr.adbais @ Sep 11 2008, 01:50 AM) <{POST_SNAPBACK}>

موضوع صريح و واقعي ,,

استمتعت جداً بقراءته ,, happy.gif

و راح أحتفظ بهالنصائح بجهازي لين مايجي وقتها ,, unsure.gif


> على فكرة ترى علامات الرغبة في الزواج > كلها تحققت عندي !!. rolleyes.gif

يعطيكِ العافيـة أختــــي // شهــــــد // ..

.. دُمتِـ كَمّا تُحبِّين ؛؛ blush.gif ..


الله يعافيك دكتور،،

شوفوا الناس اللي تستفيد ماشالله،،

ولا تصدق انتا عاد ترا توك بدري عليك glare.gif خلص دراستك ويصير خير،،

0

#10 غير متواجد   صدى قلم 

  • عضوفعال
  • مجموعة الاعضاء
  • مشاركات 993
  • التحق : 18-July 08
  • Gender:Female
  • بلد الدراسة:استراليا
  • المدينة:***
  • اسم الجامعة:***
  • الجنس:أنثى
  • التخصص:Quantum physics
  • المرحلة العلمية:دكتوراه

تم الارسال 11 September 2008 - 02:20 PM

إقتباس(WHISPERER @ Sep 11 2008, 05:10 AM) <{POST_SNAPBACK}>
السلام عليكم ورحمة الله وبركاته
أختي شهد
أولاً: مرحلة ما قبل الزواج
حقيقةً لم أقرأ ما بعدها ..!
ولكن هل حقاً الأعراض تلك صحيحة؟
أيضاً الجواب على السؤال كان جداً مفيد و ملموس فشكراً لكِ
سؤالي:لنفترض أنني كنت عازم على الأمر
ولكن قد يكون الطرف الآخر لا يريد الإتيان معي هنا
ما هي الـ Tips لديكِ ؟
وشكراً جزيلاً


العفو يا أخي الكريم،،

ولكن اش الفايدة تتزوج وحده ماتبغا تروح معاااك؟؟

أصلا هذا كان زمان الحين البنات مايصدقون بالسفر،،

عفوا قصدي البنات الحين متفهمات والسفر بالنسبة لهم عادي tongue.gif

دمت بود،،

0

شارك هذا الموضوع


  • (4 صفحات)
  • +
  • 1
  • 2
  • 3
  • الاخير »
  • لا يمكنك بدء موضوع جديد
  • لا يمكنك الرد على هذا الموضوع

4 عضو (أعضاء) يشاهدون هذا الموضوع
0 الأعضاء, 4 الزوار, 0 مجهولين